Geassit 2022 Helssega Kaivopuistos lea rahppojuvvon Puistokatu 4, dahjege Diehtaga ja doaivaga dállu lea báiki ekologalaččat suvdilis boahttevuođa huksejeaddjiide.
Puistokatu 4:žis leat Tiina ja Antti Herlin foandda ja Maj ja Tor Nessling foandda ja Birasdieđu foruma bargolanjat, ja dasa lassin doppe barget oktiibuot badjel 40 doaibmi- ja dutkilahtu sierra surggiin. Min miššuvdna lea ovddidit ekologalaš kriissa siste dárbbašuvvon johtilis kultuvrra nuppástusa.
Dállu lea rabas maiddái gussiide. Vuosttas gearddis leat earret eará gávpotlaččaid ođđa orrunlatnjan oaivvilduvvon girjeráju ja Elm-goartilrestoráŋŋa. Lassin dálus ordnejit buohkaide rabas dilálašvuođaid ja dan lanjaid lea vejolaš láigohit ekologalaččat suvdilis boahttevuođa huksemii laktásan doibmii ja dáhpáhusaide.
Dállu lea divvuma oktavuođas ođđasiidhuksejuvvon nu, ahte galledeapmi lihkostuvvá easttaheamet ja lanjat leat fáhtehahttit.
Puistokatu 4 –fidnu ruhtadit Tiina ja Antti Herlin foanda ja Maj ja Tor Nessling foanda, giddodaga eaiggát lea Tiina ja Antti Herlin foanda.
