Puistokatu gáhtu vuolde gávdnojit njeallje čoahkkinlanja, maid maiddái dálu olggobealát doaibmit sáhttet láigohit. Ráđđádallanlanjat leat buot earáláganat, dain loaktá bures ja daid láigui gullá dálu easkka jáffejuvvon gáffe ja vejolašvuohta diŋgot nisttiid restoráŋŋa Elmis.
Vuhtiiváldde, ahte Puistokatus čoahkkima doallama gáibádussan lea, ahte fáttát laktásit ekologalaččat suvdilis boahttevuođa čoavdduslaš huksemii.
Čiega ráđđádallanlatnja, mii lea siste dakkáraš mii heive máŋggaide áššiide. Earálágan vintage-stuolut ja smávva beavddit dahket vejolažžan daid sirdima čoahkkimii dahje dilálašvuhtii buoremus hápmái. Glásat leat guovtte seainnis ja latnjii boahtá bures čuovga. Dohko čáhket logi olbmo, ja doppe gávdnojit stuorra šearpma lassin stereot.
Min unna ráđđádallanlatnja lea smávimus. Lanjas lea hearvás bohcceuvnni lassin gáhtus fiinna málagovva 1800-logus. Latnja lea hui guoibmái, ja dan jorba beavddi gurrii čáhket vihtta olbmo. Lanjas lea stuorra šearbma ja stereot.
Pompeijirukses seainnit birastahttet min stuorimus ráđđádallanlanja. Álgoálgosaš seaidni lea guđđojuvvon oidnosii, ja seamma ivdni lea geavahuvvon maiddái earáide seinniide. Guhkes beavddi gurrii čáhket 12 olbmo. Lanjas gávdnojit stuorra šearbma ja stereot.
Árgaeahkediid (dmu 17-21) priváhtadáhpáhusaide várrenvuloš vuogas girjerádjolatnjamet heive eandalii lohkanrieggáid ja bargobájiid sullasaš dáhpáhusaid ordnemii. Latnjii sáhttá diŋgot guossoheami ránnjálanjas lean restoráŋŋa Elmis ja dohko sáhttá ordnet čohkkánsajiid sulaid 20 olbmui. Lanjas ii leat šearbma.
Puistokatu stuorámus ovttaskas latnja lea eallima vásihan lášmmohallansálen, čájáhuslatnjan ja ávvudoaluid váldolávdin. Sále čiŋaha originála, oidnosii guđđojuvvon ceakkohirsaseaidni, muhto teknihka beales latnja soddjil Zoom-áigái, ealligovaide ja smávva konsearttaide. Čohkkánsajit leat latnjaordnema mielde 20-40 olbmui. Čuožžu gussiide lanja eanemus mearri lea 60 olbmo.
